تقريبا من سنه 1992 ...مش فاكر بالضبط.....و انا بقول الجملة دى باللهجة اللبنانى "خبر سىء يا جماعة.....ناجى العلى اغتالوه فى لوندون (لندن يعنى)".............. و دى كانت اول جملة فى فيلم ناجى العلى اللى انا بعتز انى شفته عشان مفيش ناس كتير اهتموا انهم يشوفوه خصوصا بعد ما اتهاجم كتير بسبب معارضته للانظمة العربيه و الجدير بالذكر ان" العربية فى الجراج".... وطبعا بما انه مش فيلم هلس و سياسى و بيتكلم على فلسطين فامفيش اى داعى انه يتعرض على الفضائيات العربيه.... احنا حنهزر تانى و لا ايه ما قولنا بقى " العربية فى الجراج".... المهم ان من اهم مشاهد فيلم "ناجي العلي" .. و الذي تدور أحداثه أثناء تعرض إحدى المناطق اللبنانية للقصف الإسرائيلي في حرب لبنان الأولى، و أثناء القصف يخرج نور الشريف ( ناجي العلي ) مسرعا من أحد المخابئ لإحضار "الداية" لتوليد إحدى السيدات في المخبأ، و يفاجأ بمحمود الجندي (مواطن ) يسير سكرانا و ماسك زجاجه من الخمر في ايده،
محمود الجندي : هي الجيوش العربية مش هتيجي !؟
نور الشريف : الجيوش العربية مش فاضية
محمود الجندي : ليه .. هي بتحارب في حتة تانية !!!؟
فيلم "ناجي العلي" من اخراج الرائع عاطف الطيب... الله يرحمه و يرحم ناجي العلي و يرحم العربيه اللى ماتت فى الجراج
